Almaniya kansleri Fridrix Merz İran rejiminin yaxın zamanda süqut edəcəyini bildirib.
AZXEBER.COM xarici mətbuata istinadən xəbər verir ki, Hindistana səfəri zamanı alman jurnalistlərə açıqlama verən kansler qeyd edib ki, yalnız zorakılıq hesabına hakimiyyətdə qala bilən rejim artıq sona çatmaq üzrədir.
"Düşünürəm ki, biz İran rejiminin son günlərini və ya həftələrini görürük”, — deyə Merz vurğulayıb.
Kansler daha əvvəl İranda etirazların yatırılmasını "qeyri-mütənasib” və "qəddar” adlandırmış, etirazçıların cəsarətini və qəhrəmanlığını yüksək qiymətləndirmişdi. O, İran hökumətini xalqını təhdid etmək əvəzinə qorumağa çağırıb.
Bu arada ABŞ-la bağlı gərginlik də artır. ABŞ-ın keçmiş prezidenti Donald Trampın İranı bombalaya biləcəyi ilə bağlı iddialar gündəmə gəlib. Məlumata görə, Vaşinqton "qırmızı xətlərin keçildiyini” hesab edir və mümkün hərbi planlar müzakirə olunur.
Gülay
