Yasamal rayonunda İsmail bəy Qutqaşenlı küçəsində yerləşən "Altes Plaza”-nın 8-ci mərtəbəsində yanğın baş verib.
AZXEBER.COM ONA-ya istinadən xəbər verir ki, yanğın məişət tullantıları olan eyvanda başlayıb.
FHN-nin yaxınlığda yerləşən 29№ yanğın mühafizə bölməsi hadisə yerinə 3 texnika və canlı qüvvəsini göndərib. Ümumi səylər nəticəsində yanğının qarşısı alınıb, alovun evin içərisinə keçməyə imkan verilməyib.
"Altes Plaza” təhlükəsizlik xidmətinin rəisi ONA-ya verdiyi məlumata görə, yanğın eyvana tullanmış siqaret kötüyündən başlayıb.
Hadisə zamanı evdə heç kəs olmayıb.
Faktla bağlı araşdırma aparılır.
