"Amnistiya tətbiq olunan şəxslərin əvvəllər məhkumluğunun olub-olmaması yoxlanılır”.
Bu sözləri Ədliyyə Nazirliyinin Penitensiar Xidmətin təşkilat nəzarət idarəsinin rəisi Vüqar Abışov Amnistiya Aktının icrası ilə bağlı keçirilən dəyirmi masada deyib.
O bildirib ki, Amnistiya Aktı qəbul edilən gündən aidiyyəti üzrə komissiya və işçi qrupu yaradılır:
"Əsas məqsəd amnistiya tətbiq edilən məhkumların siyahısının baş idarəyə təqdim edilməsidir. Biz informasiya bazasından istifadə edərək məlumatları yoxlayırıq. Amnistiya Aktının şamil olunduğu, lakin tətbiq edilmədiyi məhkum ola bilməz.
Eyni zamanda ədliyyə nazirinin əmri ilə Penitensiar Xidmətin və ədliyyə əməkdaşlarının birgə fəaliyyəti ilə ciddi nəzarət həyata keçirilir. Penitensiar müəssisələr üzrə bu günə qədər 100-dən çox məhkum azad edilib, cəza müddəti azaldılan məhkumlarla bağlı isə sənədlər prokurorluğa təqdim edilib”.
"Əfv və amnistiya aktları islah işlərinə də təsir edib.
2020-ci ildə pandemiya şəraitində ölkə başçısı əfv sərəncamı imzalandı və 65 yaşdan yuxarı 176 nəfər əfv edildi. Bu vətəndaşın harada olmasından asılı olmayaraq, dövlət qayğısı ilə əhatə olunduğunu göstərir.
Amnistiya Aktı müəyyən kateqoriya məhkumlara müsbət təsir edir” - deyə o qeyd edib.
