Rusiyanın Nijni Novqorod şəhərində İrina M. adlı 41 yaşlı qadın 1 yaşlı oğlunu qətlə yetirib.
Milli.Az Life News-a istinadən bildirir ki, Semyonov rayonunda yaşayan İrinanı rayonun sosial təminat şöbəsinin əməkdaşları hələ 3 ay əvvəl analıq hüquqlarından mərum etməyə çalışmışdılar.
Balaca Pavel anasından alınaraq sosial-reabilitasiya sığınacağına müvəqqti yerləşdirilmişdi.
Oğlunu geri alamq üçün İrina Nijni Novqorod şəhərindəki özəl psixiatrik klinikaya üz tutmuşdu. O, sağlam olması və övladları tərbiyə edə bilməsinin təsdiqlənəcəyi arayış istəyirdi.
Arayışı alandan sonra İrina sığınacağa yollanıb, oğlunu götürüb.
"İblis dini" adlanan təriqətin üzvü olan qadın bir neçə gün sonra 1 yaşlı oğlunu vəhşicəsinə qətlə yetirib.
"Uşaq inkişafdan qalmışdı, pis qidalanır, çirkli və xəstə idi. Bu səbəbdən də Paveli İrinanın əlindən almışdılar. Lakin İrina övladını almaq üçün rayon prokurorluğuna ərizə yazandan sonra sosial təminat şöbəsinin əməkdaşları hesab etmişdilər ki, sığınacaqla müqayisədə Pavel üçün evdə daha yaxşı olar. Yaman səhv etdik", - Semyonov rayon polis idarəsinin əməkdaşları deyiblər.
Prokurorluqdan verilən məlumata görə, İrina "İblis dini" sektasının rəhbərindən "Oğlunu Ona qurban kəs!" SMS-ni alandan sonra Paveli qətlə yetirib.
"Oğlumu baltaladım. O, qışqırdı və buna görə yenə balta ilə vurdum. Dəfələrlə vurdum, onu kəsdim. Sonra oğlumun cəsədini paketə qoyub göl sahilinə apardım", - İrina polisdə ifadə verərkən deyib.
Oğlunun cəsədini gölə atandan sonra İrina evə dönüb və heç nə olmamış təki yatıb.
O, 10 gün ərzində oğlunun rəfiqəsinin evində olduğunu deyib. Lakin şübhələr artanda İrina polisə yollanaraq oğlunun oğurlandığını, ya da itdiyini deyib.
Pavelin axtarışları yalnız balıqçılar təsadüfən cəsədi göldən çıxarana qədər davam edib.
