Filadelfiyalı qadın 3 aylıq oğlunun ölümündə ittiham olunur.
Filadelfiyada yaşayan 30 yaşlı Samantha Jones adlı qadın 3 aylıq oğlunun ölümünə səbəb olub.
Səhər ayılanda oğlunun rənginin solduğunu və ağzının köpükləndiyini görən qadın 911-ə zəng edib. Hadisə yerinə gələn polislər körpəni xəstəxanaya çatdırsalar da, onun həyatını xilas etmək mümkün olmayıb.
Hadisə ilə bağlı cinayət işi açılıb. Araşdırmalar nəticəsində uşağın qanından metadon maddəsi tapılıb.
Narkotik maddə istifadəçisi Samanta saxlanılıb. O bildirib ki, əvvəl oğlunu uşaq yeməyi ilə qidalandırsa da, gecə yerindən qalxmağa ərinib və onu əmizdirib. Ana südü vasitəsilə qanına metadon maddəsi keçən körpə zəhərlənib.
Qeyd edək ki, metadon narkomanların müalicəsi üçün istifadə edilən effektiv dərmandır. Metadonun tarixi 60 ildən çox hesablanır. 1963-cü ildən narkomanların müalicəsi üçün tibbdə "Metadon" proqramı tətbiq edilir.
///Milli.Az
