Xəbər verdiyimiz kimi, tanınmış müğənni Aslan Hüseynovun anası vəfat edib.
Müğənni AZXEBER.COM-a açıqlamasında göz yaşlarını saxlaya bilməyib.
O deyib ki, anası uzun müddət idi ki, ürək xəstəliyindən əziyyət çəkirdi:
"Anam uzun müddətdir ürək xəstəliyindən əziyyət çəkirdi. Daimi ürək ağrıları olurdu, müalicələr də olunmuşdu. Qəflətən ürəktutmasından dünyasını dəyişib. Başqa xəstəliyi yox idi”.
Qəfil ölüm xəbərini eşidən Aslam Hüseynov Moskvadan dərhal Bakıya qayıdıb.
Hazırda hava limanında olan müğənni bildirib ki, 4 gündür ki, pul qazanmaq üçün Moskvaya üz tutubmuş:
"Çoxları bizi qınayır ki, niyə Moskvaya gedirsiz? Bəs nə edim? Hardan pul qazanım, pul qazanmaq üçün məcbur gedirəm Moskvaya. Qınayanın Allah qoy elə öz başına gətirsin”.
Müğənni göz yaşları içərisində kədərini gizlədə bilməyib:
"Allah heç bir övladı anasından ayırmasın, çox ağırdı, çox çətindi, anam mənim üçün həmişə əzizdir. Mən bilmirəm nə edim, Allah heç kimə qismət etməsin bu dərdi. Allah hamının valideynini qorusun, Allah can sağlığı versin bütün valideynlərə".
Nərmin Məmmədli
