BMT-nin qaçqınlar üzrə ali komissarlığının xüsusi səfiri olan Hollivud ulduzu Ancelina Coli karyerası ilə yanaşı, bu məsuliyyətli işini də davam etdirir. Aktrisa bu yaxınlarda BMT-nin Təhlükəsizlik Şurasında çıxış edərək, Şuranı münanişə zonalarında cinsi zorakılıqları araşdırmağa çağırıb.Ancelina Coli bildirib ki, BMT-nin Təhlükəsizlik Şurası 67 ildir şahidi olduğu müharibələr zamanı yüz minlərlə qadın və uşağın zorlanması faktından xəbərdardır və bu cinayətləri araşdırmaq üçün səy göstərməlidir.
