"WhatsApp”ın Android sistemi üçün yeni dizayn yeniləməsi telefonlara gəlməyə başlayıb.
AZXEBER.COM xəbər verir ki, dünyanın ən məşhur ani mesajlaşma proqramı olan "WhatsApp” istifadəçilərə çox faydalı olacaq yeni funksiyalar təqdim etməyə davam edir.
"WhatsApp” keçən ilin ortalarında üzərində işləməyə başladığı yeni dizayn yeniləməsini yavaş-yavaş Android telefonlarına təqdim etməyə başlayıb. "WhatsApp”ın Android versiyasının yeni dizaynı indi daha çox iPhone proqramına bənzəyir. "WhatsApp” artıq daha sadə və ağ tonda istifadə edilə bilər. Üst menyudakı yaşıl sahə yeni interfeysdə ağ rəngə çevriləcək.
Bundan əlavə, naviqasiya bölməsi iPhone proqramında olduğu kimi aşağı köçürülüb.
Android üçün ən son "WhatsApp” beta versiyasında süni intellektlə işləyən yeni redaktə vasitələri peyda olub.
Bu alətlər sayəsində siz mətn daxil edərək fon şəkilləri yarada və fonu genişləndirə biləcəksiniz.
"WhatsApp”da status yeniləməsini paylaşdığınız zaman və ya kiməsə şəkil göndərdiyiniz zaman, şəkil redaktoru pəncərəsində yeni süni intellekt alətləri görünəcək.
Bununla belə, "WhatsApp” indi heç bir hərəkət etmədən bütün foto və videoları qarşı tərəfə HD formatında göndərmək üçün yeni funksiya hazırlayır.
Ayşən
