"Real Madrid"də oynamaq şansı tapmaqda çətinlik çəkən türk futbolçu Arda Gülərin ən az 2 mövsüm başqa komandaya icarəyə veriləcəyi iddia edilib.
AZXEBER.COM xəbər verir ki, bu barədə xəbərlər İspaniya mətbuatında tirajlanıb.
Məlumata görə, "Real Madrid" rəhbərliyi müqaviləsini 2026-cı il mövsümünün sonuna qədər uzatdığı Karlo Ançelottinin Ardaya vaxt verməyəcəyini qəbul edib.
Ona görə də Arda icarəyə gedə biləcək klub axtarışındadır.
Ancaq bu, 1 illik icarə olmayacaq. Yəqin ki, klub rəhbərliyi Karlo Ançelottinin vəzifədə olduğu müddətdə Arda Güləri komandadan uzaqlaşdıracaq.
Qeyd edək ki, Arda öncədən "Las Palmas", "Real Sosyedad" və digər məşhur klublardan təklif alıb.
Mikayıl
