Türk futbolçu Arda Turan Instagram-dan paylaşdığı şəkillə təqibçilərinin diqqətini çəkib.
ANS PRESS-in məlumatına görə, İspaniyanın "Atletiko Madrid" komandasında forma geyən futbolçu öz şəxsi Instagram hesabından “Qurani-Kərim”in fotosunu paylaşıb.
İspaniyada komanda yoldaşlarına İslam dinini və “Qurani-Kərim”i izah edən Arda onu sevənlərə də mesaj göndərib. Paylaşdığı şəkildə “Qurani-Kərim”, təsbeh və saat əks olunub.
Futbolçu paylaşdığı şəkilin aşağısına "gecəniz xeyrə" yazıb. Arda bu foto ilə təqibçilərə dininə sadiq biri olduğu və müqəddəs kitabı hər zaman baş ucunda saxladığı mesajını verib.
