Xalq artisti Arif Quliyevin oğluna məxsus oğurlanmış avtomobil tapılıb.
Avtomobil İsmayıllı yolunda aşkar edilib. Gecə saatlarında tapılan maşının təkərləri dəyişdirilib. Oğurluq edən şəxs tanış deyil.
Xalq artisti oğurluq edən şəxsin Yasamal rayon Polis İdarəsində olduğunu bildirdi:“O, maşını yox, maqnitofonu oğurlamaq məqsədilə maşına yaxınlaşıb. Açarların avtomobildə olduğunu görüb və maşını oğurlayıb. Bu, onun etdiyi ilk oğurluq deyil. Ev qarət etdiyi üçün tutulub və həm də maşını da oğurladığını etiraf edib”.
Qeyd edək ki, xalq artistinin oğlu Rövşən Quliyevə məxsus “VAZ-21015” markalı 99 GB 811 dövlət nömrə nişanlı avtomobil evin yaxınlığından ötən şənbə gecə saatlarında yoxa çıxmışdı. Xalq artisti yazılanları təsdiqləməklə kifayətlənmişdi: “Bu haqda nə deyilibsə, düzgündür. Maşında siqnalizasiya sistemi yox idi. Lakin oğurluğu kimin etdiyini bilmirik, bilsək, avtomobili geri gətirməyini deyərdik. Heç şübhələnəcəyimiz biri də yoxdur. Maşının sığortası olduğu üçün çox da narahat deyilik”.//publika
