Hindistanın Çatisqar əyalətindəki kəndlərdən birində ruhi depressiya keçirən bir kişi 9 qadını baltalayaraq öldürüb. Yerli polis hadisənin həyat yoldaşının kişini tərk etməsi səbəbindən baş verdiyini bildirib. Belə ki, arvadı tərəfindən tərk edilən kişi ruhi böhran yaşayıb və 35 yaşlı qatilin hədəfi sadəcə qadınlar olub. Yerli mətbuat ölkə rəsmilərinin öldürülən hər bir qadının ailəsinə 25 000 rupi (360 manat) təzminat ödədiyini yazıb.Xatırladaq ki, ötən ilin dekabr ayında Hindistanda bir qızın kütləvi zorlamaya məruz qalaraq ölməsi qalmaqala səbəb olmuş və ölkədə keçirilən etiraz aksiyalarında qadınların məişət zorakılığına məruz qalması öz əksini tapmışdı.
