Ər arvadını bıçaqlayıb.
AZXEBER.COM Türkiyə mətbuatına istinadən xəbər verir ki, hadisə ötən çərşənbə axşamı saat 19.00 radələrində İnegöl rayonunun Mesudiye rayonunda baş verib. Evə sərxoş gələn Meriç Ç. (29) televiziyaya baxdığı və onunla maraqlanmadığını iddia edən həyat yoldaşı Nurgül Ç. (23) ilə mübahisə etməyə başlayıb.
Mübahisənin böyüməsi ilə Meriç Ç. mətbəxdən götürdüyü bıçaqla həyat yoldaşını 6 yerindən bıçaqlayıb. Meriç Ç. qanlar içində olan həyat yoldaşını tərk edərək hadisə yerindən qaçıb. Səs-küyü eşidən qonşular təcili tibbi yardım çağıraraq Nugül Ç-nin xəstəxanaya aparılmasına köməklik ediblər.
Hadisə yerindən qaçan Meriç Ç. bir müddət sonra evə gedəndə orada araşdırma aparan polis qruplarına təslim olub. Cinayət silahı ilə saxlanılan şübhəlinin ifadəsində "Həyat yoldaşım anamın kredit kartlarından istifadə edirdi. Əsəbiləşdim. Ona görə bıçaqladım" ifadəsini verib. Ədliyyəyə sövq edilən Meriç Ç. gətirildiyi məhkəmə tərəfindən həbs edilərək həbsxanaya göndərilib.
Hadisə ilə bağlı araşdırmalara başlanılıb.
Günel
