Azərbaycan əsilli iş adamı Telman İsmayılov Türkiyənin turizm bölgəsi olan Bodrumda torpaq sahəsi alıb.Türkiyə mediasında yer alan məlumata görə, T.İsmayılovun aldığı ərazinin sahəsi 50 hektardır. İş adamının Bodrumun ən bahalı və lüks ərazisi sayılan yerdə aldığı torpaq sahəsində nə iş görəcəyi isə hələlik açıqlanmır.Qeyd edək ki, əsas mülkləri Rusiyada, xüsusilə Moskvada yerləşən T.İsmayilov son illər başqa ölkələrə də sərmayə qoyur. O, 2009-cu ildə Antalya yaxınlığında dünyanın ən lüks otellarindən olan “Mardan Palace”ı tikdirib. Açılış mərasimində Şeron Stoun, Monika Beluççi, Tom Cons, Paris Hilton kimi dünya məşhurlarının iştirak etdiyi “Mardan Palace”yə görə həmyerlimiz 1,4 milyard dollar xərcləyib.
