Türkiyə mətbuatı ataları ilə yola getməyən məşhurların adlarını və hadisənin baş vermə səbəblərini təqdim edir:
Ajda Pekkan – şəxsi həyatı haqda danışmağı sevməyən və bununla gündəmdə olmayan müğənni verilişlərdən birində ailəsi barədə açıqlama verib. O, uşaqlıqdan anası ilə böyüdüyünü bildirib:
"Yadımdadır, atam dənizçi işləyirdi. Bir gün mənə gəlincik və səs yazan aparat almışdı. Hər gün mahnılar oxuyub səsimi ora yazırdım. Sonra valideynlərim boşanmaq qərarı verdilər. Anamla qalası oldum. Bir gün atam gəldi və dedi ki, ya mənimlə gedirsən, ya da sənə aldığım gəlincik və aparatı geri verirsən. O vaxtdan düşündüm ki, nəyi isə verim, onu sonradan geri istəyən insanları həyatımda görməsəm yaxşıdır”.
Ebru Gündeş - əri Rza Zərrab tutulduqdan sonra çətin günlər keçirən ifaçı övladının atası böyüməsini istəmədiyini vurğulayıb. Özü də uşaq ikən atasız qalıb. Səhnəyə yeni gəldikdə atası barədə suallara "öldü” deyə cavab verən sənətçi hadqa həqiqi məlumatlar sonradan ortaya çıxıb. Məlum olub ki, Ebru uşaq ikən atası onları atıb gedib və Gündeş şöhrət qazandıqda ortaya çıxıb. Ona görə müğənni atasını uzun müddət bağışlamayıb. Lakin son illər atasının açınacaqlı vəziyyətdə yaşadığını öyrənən Ebru ona aylıq maaş ayırıb.
Hande Ataizi – aktrisanın 3 yaşı olarkən valideynləri ayrılıb və o gündən Hande atasını ilə görüşməyib. O, anasının ikinci dəfə ərə getdiyi kişini "əsl atam odur” deyə bildirib. Ataizinin sözlərinə görə, bioloji atası ilə heç vaxt dil tapa bilməyib.
"5 dəqiqə oturub danışa bilmirik. Nə o məni, nə də mən onu anlaya bilmərəm”, - deyə Hande müsahibələrində vurğulayıb.
Müslüm Gürses - 2013-cü ildə vəfat edən müğənni də atası ilə problem yaşayıb. Belə ki, uşaq ikən atası anasını öldürdüyü üçün həbsxanaya düşüb. Gürses bu hadisədən sonra atasını bağışlamayıb, bir dəfə də olsun həbsxanada onu ziyarət etməyib.
Özcan Deniz – uşaq olarkən atası tərəfindən tərk edilən daha bir məşhur. Uzun illər atasından xəbərsiz olan Özcan şöhrət qazandıqdan sonra verilişlərdən birində onu görüb. Atası oğlu üçün darıxdığını və bağışlanmasını xahiş edib. Deniz əvvəlcə atasını bağışlamaq istəməsə də, sonradan bu fikrindən vaz leçib. Hazırda ata-oğulun çox mehriban olduğu bildirilir.
