Dekabrın ilk 10 günlüyündə Gənclər və İdman Nazirliyinin dəstəyi ilə Azərbaycan Tələbə Gənclər Təşkilatları İttifaqı (ATGTİ) tərəfindən həyata keçirilən “Gəzən kitabxana” Bərdə rayonunda olub.

AZXEBER.COM xəbər verir ki, əsas məqsədi ölkəmizin paytaxt və regionlarında gənclərin kitaba və elektron qiraətə marağını artırmaq olan layihənin 1 il müddətində davam edəcəyi nəzərdə tutulub.“Gəzən kitabxana” Bərdə rayonunun gəncləri və sakinləri tərəfindən böyük maraqla qarşılanıb.Layihə çərçivəsində üstüörtülü, xüsusi yük maşınında səyyar fəaliyyət göstərən kitabxanada 5 min adi və 10 min elektron kitab toplanıb. Kitabxana bir neçə noutbuk, genişekranlı televizor, generator, kondisioner sistemi və digər texniki vasitələrlə təchiz olunub.Burada müxtəlif yazıçı və şairlərin, elm və dövlət xadimlərinin, jurnalistlərin, siyasi icmalçıların bədii ədəbiyyat, tarix, elm və texnika, təhsil, mədəniyyət, idman, siyasət, iqtisadiyyat, uşaq ədəbiyyatı və digər mövzularda əsərləri oxucuların ixtiyarına təqdim edilib. Təhsil bölməsində isə uşaqlar, şagirdlər, orta ixtisas və ali məktəblərin tələbələri üçün dərsliklər və test imtahanlarına aid kitablar da var.Qeyd edək ki, “Gəzən kitabxana” layihəsi Azərbaycanın bütün rayonlarını gəzəcək, sonda isə Bakıya qayıdacaq. İndiyə qədər “Gəzən kitabxana” Tovuzda, Qazaxda, Qubada, Lənkəranda, Astarada, Cəlilabadda, Sabirabadda, Gəncədə, Mingəçevirdə, Göyçayda və Şamaxıda olub.