ATV-dən ölən məktəb direktoru ilə bağlı - AÇIQLAMA
SOSİAL
16:59 27.01.2017
1548
AZXEBER.COM xəbər verir ki, yaxınları direktorun ölümündə ATV telekanalını və kanalda yayımlanan "Yoxlama" verilişinin aparıcısı Azər İsmayılovu ittiham edir. Məsələ ilə bağlı ATV telekanalı açıqlama yayıb:
"Xətai rayonu 171 saylı orta məktəbin direktoru Telman Qardaşovun ölüm xəbəri bizi dərindən kədərləndirdi. Hər insan ölümü kimi bu ölüm hadisəsi də məyusedicidir. Səmimi qəlbdən Telman Qardaşovun ailəsinə və yaxınlarına baş sağlığı verir, səbr diləyirik.
Ünvanımıza yönəldilən ittihamı isə kökündən qərəzli və absurd hesab edir, mərhumun oğlunun kədərini nəzərə alıb səbrlə qarşılayırıq. Bəli, 05.01 2017 ci il tarixdə sözügedən məktəbdə çəkiliş aparmışıq və 11.01.2017-ci il tarixdə o veriliş efirdə yayımlanıb. Hər şey ictimaiyyətin gözü qarşısında baş verib. Verilişin efir gününə qədər ünvanımıza yönəldilən şər və böhtanlar da, yalanlar da.
Veriliş efirə gedəndən sonra bütün həqiqətlər ortaya çıxdı. Biz öz işimizi görmüşük. Nə Təhsil Nazirliyindən, nə Bakı şəhər Təhsil İdarəsindən, nə də digər qurumlardan ünvanımıza irad bildirilməyib. MTRŞ isə açıqlamasında verilişdə heç bir qanunauyğunsuzluğun olmadığını bildirib. Məlum verilişin çəkilişindən və efir günündən bu qədər vaxt keçdikdən sonra belə bir üzücü hadisənin baş verməsini kanalımızla əlaqələndirmək bütün məntiqi yanaşmalara ziddir.
İctimaiyyətə bəyan edirik ki, bu cür söz-söhbətin , dedi-qodunun tərəfi deyilik və qətiyyən də olmaq istəmirik".
OXŞAR XƏBƏRLƏR
ƏN SON XƏBƏRLƏR
