Azərbaycan və Ermənistan prezidentlərinin Dağlıq Qarabağ münaqişəsinin nizamlanması üzrə görüşünə dair təklif var, biz daha konkret məlumatı gözləyirik.
Gün.Az xəbər verir ki, bu barədə Azərbaycanın xarici işlər naziri Elmar Məmmədyarov Rusiyanın xarici işlər naziri Sergey Lavrovla birgə keçirdiyi mətbuat konfransında bildirib.
O deyib ki, rəsmi Bakı Fransa tərəfdən addım gözləyir.
Avrasiya İqtisadi İttifaqına gəlincə, nazir deyib ki, Azərbaycana rəsmi dəvət yoxdur:
“Amma bizim rəsmi görüşlərdə bu məsələ müzakirə olunub. Tərəfdaşlarımızın Avrasiya İttifaqına qəbuluna müsbət yanaşırıq. Avrasiya İttifaqının Dağlıq Qarabağ probleminə heç bir aidiyyəti yoxdur.
Bunu Rusiya, Qazaxıstan və Belarus yaradıb, yaxın vaxtda Ermənistan da qoşulacaq. Dağlıq Qarabağ münaqişəsi beynəlxalq prinsiplər əsasında həll edilməlidir. Ermənistan bu quruma BMT-də qəbul olunmuş sərhədlər çərçivəsində fəaliyyət göstərəcək”.
