Futbol üzrə 2024-cü il Avropa çempionatının (AVRO-2024) E qrupunun üçüncü və sonuncu oyununda sabah Slovakiya və Rumıniya milliləri üz-üzə gələcək.
AZXEBER.COM Türkiyə mediasına istinadən xəbər verir ki, Almaniyanın ev sahibliyi etdiyi AVRO-2024-də E qrupunda yer alan iki komanda sabah qrupda son oyununu keçirəcək.
Frankfurt Arenada keçiriləcək görüş Bakı vaxtı ilə saat 20.00-da başlayacaq. Qarşılaşmanı Almaniya Futbol Federasiyasından olan baş hakim Daniel Siebert idarə edəcək. Matçın köməkçi hakimləri Yan Seydel və Rafael Foltin, dördüncü hakimi isə Feliks Zveyer olacaq.
Hər iki komandanın üç xalı var.
Qalan 2 görüşdə Slovakiya və Rumıniya hər biri bir qələbə qazanıb.
Qrupa Belçika üzərində 1:0 hesablı qələbə ilə başlayan Slovakiya ikinci görüşdə Ukraynaya 2:1 hesabı ilə uduzub. İlk oyununda Ukraynaya 3:0 hesabı ilə qalib gələn Rumıniya ikinci matçda Belçikaya 2:0 hesabı ilə uduzub.
Dörd rəqib komandanın hər birinin üç xalı olduğu E qrupunda Rumıniya birinci, Belçika, Slovakiya və Ukrayna üçüncü yerdə qərarlaşıb.
Oksana
