Avropa Komissiyasının qonşuluq və genişlənmə danışıqları üzrə Baş direktoru Gert Yan Kupman Gürcüstana səfərə gələcək.
AZXEBER.COM APA-ya istinadən xəbər verir ki, bu barədə Aİ-nin Gürcüstandakı nümayəndəliyi məlumat yayıb.
Bildirilib ki, 1-2 may tarixlərində baş tutacaq səfər çərçivəsində hökumət rəsmiləri və vətəndaş cəmiyyəti nümayəndələri ilə Aİ və Gürcüstan arasında əməkdaşlıq əlaqələri, həmçinin namizəd statusu ilə əlaqədar tamamlanmalı olan 9 addımla bağlı müzakirələr aparılacaq.
Gert Yan Kupmanın Aİ tərəfindən maliyyələşdirilmiş bir sıra layihələrin açılışında da iştirak edəcəyi qeyd olunub.
