Yarışa gələcək 49 ölkə heyətini tam formalaşdıracaq.
Bakıda keçiriləcək I Avropa Oyunlarına 100 gün qalır.AZXEBER.COM xəbər verir ki,cəmi 100 gündən sonra dünyanın diqqəti ölkəmizə yönələcək.
Təkcə Avropanın deyil, planetin digər ölkələrinin də səbirsizliklə gözlədiyi ilk qitə Oyunları start nöqtəsinə yaxınlaşır. Qarşıdakı 100 gündə Azərbaycan təşkilatı məsələlərindəki hazırlıqlarını yekunlaşdıracaq və yarışa gələcək 49 ölkə isə heyətini tam formalaşdıracaq.
6000-dək idmançının 20 növ üzrə 253 dəst medal uğrunda mübarizəsi iyunun 12-dən 28-dək davam edəcək. Bununla, Avropa qitə oyunlarına malik Asiya, Amerika və Afrikaya çatacaq.
Qeyd edək ki, iyunun 12-də planlaşdırılan açılış mərasimi rəmzi olaraq, saat 20:15-də başlayacaq. Bu isə o deməkdi ki, hazırda starta 100 gün 10 saat qalıb.
