Avropa Parlamenti Zelenskini sevindirən xəbər verib.
AZXEBER.COM xarici mediaya istinadən xəbər verir ki, Ukrayna-Rusiya müharibəsi davam edərkən Avropa Parlamenti (AP) Ukrayna lideri Zelenskini sevindirən xəbər verib.
Belə ki, Avropa Parlamenti (AP) Avropa İttifaqının (Aİ) Rusiya ilə müharibə vəziyyətində olan Ukraynaya 2023-cü il üçün 18 milyard avro ayırmasını təsdiqləyib.
Fransanın Strasburq şəhərində keçirilən AP Baş Assambleyasında keçirilən səsvermədə 507 deputat 38-in əleyhinə çıxıb. Aİ-nin aylıq 1,5 milyard avroluq hissələrlə verməyi planlaşdırdığı maliyyə paketi, 2023-cü ildə Ukraynanın ehtiyac duyduğu aylıq 3-4 milyard avro fondunun demək olar ki, yarısını ödəməyi hədəfləyir.
Maliyyə yardımı ilk növbədə xəstəxana və məktəblər kimi ictimai xidmətlərin saxlanmasına, köçkünlərə sığınacaq verilməsinə, makroiqtisadi sabitliyin qorunmasına və Ukraynada dağılmış mülki infrastrukturun bərpasına yönəlib.
AP-nin yaydığı məlumata görə, Aİ və ona üzv olan ölkələr fevralın 24-də müharibə başlayandan bəri Ukraynaya 19,7 milyard avro yardım edib.
Ayşən
