Avropa Parlamentinin binasına süd tökdülər - FOTOLAR
DÜNYA
09:20 27.11.2012
1355
Avropa süd istehsalçılarının aşağı satınalma qiymətlərinə qarşı etiraz nümayişi iğtişaşla nəticələnib.Aksiya noyabrın 26-da gündüz Brüsseldə Avropa Parlamentinin binasının qarşısında başlayıb. Axşam isə hiddətlənən aksiya iştirakçıları binaya süd töküblər. Onlar 15 min litrdən çox südü binanın fasadına töküblər, asayiş keşikçiləri ilə dalaşıblar. Etirazçılar Avropa Parlamentinin daxili həyətinə girməyə cəhd edəndə isə polis əməkdaşları su şırnaqlarından və gözyaşardıcı qazdan istifadə ediblər.Süd istehçalçıları Brüsselə Belçikanın əyalətlərindən 800 traktorla, Fransa, Hollandiya və Almaniyadan isə avtobuslarla gəliblər. Polisin məlumatına görə, aksiyada təxminən 2000 adam iştirak edib.
