Avropa Şurası (AŞ) Krımın və Sevastopol şəhərinin Rusiya tərəfindən qanunsuz ilhaqına cavab olaraq Şuranın tətbiq etdiyi sanksiyaların müddətini 2026-cı il iyunun 23-nə qədər uzadıb.
AZXEBER.COM "Report”a istinadən xəbər verir ki, bu barədə Avropa Şurasının mətbuat xidməti məlumat yayıb.
"Avropa Şurası Krımın və Sevastopolun Rusiya tərəfindən qeyri-qanuni ilhaqını beynəlxalq hüququn pozulması kimi tanıyır və pisləməkdə davam edir. Avropa Şurası Ukraynanın beynəlxalq səviyyədə tanınmış sərhədləri daxilində müstəqilliyinə, suverenliyinə və ərazi bütövlüyünə və özünümüdafiə hüququna sadiq qalır və özünün tanınmaması siyasətinin tam şəkildə həyata keçirilməsinə sadiqdir”, - bəyanatda deyilir.
Qeyd olunur ki, hazırda qüvvədə olan məhdudlaşdırıcı tədbirlər ilk dəfə 2014-cü ilin iyununda tətbiq edilib. Bura qeyri-qanuni ilhaq edilmiş Krım və ya Sevastopoldan gələn malların Avropa Şurasına idxalına, habelə Krım və ya Sevastopoldan infrastruktur və ya maliyyə investisiyaları, turizm xidmətlərinə qadağa daxildir.
