"Boris" qasırğasının səbəb olduğu şiddətli yağışlar nəticəsində həyatını itirənlərin sayı 10-a yüksəlib.
AZXEBER.COM xarici KİV-ə istinadən xəbər verir ki, "Boris” qasırğasının yaratdığı leysan yağışlar Mərkəzi və Şərqi Avropada daşqınlara səbəb olub.
Çaylarda suyun səviyyəsinin qalxması nəticəsində baş verən daşqınlar səbəbindən Çexiyada ən azı 10 min 500 insanın evlərindən təxliyə edildiyi bildirilib.
Ölkənin şimal-şərqindəki Krnov şəhərinin merinin müavini Miroslav Binar açıqlamasında deyib:
"Bizim hesablamalarımıza görə, şəhərin 70-80 faizi su altındadır. Paytaxt Praqadan təxminən 235 kilometr şərqdə, Lipova-lazne kəndi yaxınlığında çaya düşən avtomobildə olan 3 nəfərin axtarışlarının davam etdiyi bildirilir".
Dünən Klodzko və Bielsko Biala şəhərlərində 2 nəfəri sel suları apararaq ölüb. Bu gün verilən açıqlamada Nysa rayonunda daha bir nəfərin cansız cəsədinin tapıldığı bildirilib.
Bir çox qatar hərəkəti dayandırılıb, Vyana metrosunun bəzi hissələri bağlanıb, magistral yol su altında qalıb.
Rumıniyada şənbə günü 4 nəfərin, daha 2 nəfərin öldüyü açıqlanıb.
Daşqından ən çox zərər çəkən Qalatıda təxminən 5400 evə ziyan dəyib.
Oksana
