Dünən Avropa Parlamentində Azərbaycanla bağlı qətnamə qəbul edilib.
Avropalı deputatlar REAL Hərəkatının sədri İlqar Məmmədovun həbsinə toxunaraq, bunu ölkədə insan hüquqlarının pozulması cəhdi kimi qiymətləndiriblər. Məsələ ilə bağlı danışan Milli Məclisin deputatı, Azərbaycan Demokratik İslahatlar Partiyasının (ADİP) sədriAsim Mollazadəbildirib ki, İlqar Məmmədovun həbsi və məhkəmənin gedişi barədə ictimaiyyətə ətraflı məlumat verilməyib və bu səbəbdən konkret fikir bildirməkdə çətinlik çəkir: “Bununla bağlı nə isə demək üçün məhkəmə prosesini izləmək lazımdır. Hesab etmirəm ki, İlqar Məmmədovun həbsi siyasi motivlidir. Avropalı parlamentrailərin müxalif ictimai birliklərin rəyi əsasında belə bir qətnamə qəbul etməsini düzgün saymıram və bunu tələsik qərar kimi qiymətləndirirəm. Bütün hallarda Avropa bu qurumdan demokratik qərarlar gözləyir və avropalı deputatlar öz fəaliyyətində bunu nəzərə almalı və tələsik qərarlar verməkdən çəkinməlidirlər”. Millət vəkili bu cür qətnamələrin qəbulundan təəsüfləndiyini də vurğulayıb.
