Avstriya şənbə (5 aprel) tarixindən etibarən virusa görə sərhəd keçidlərini bağlayır.
AZXEBER.COM xarici mətbuata istinadən xəbər verir ki, Avstriya Federal Daxili İşlər Nazirliyi qonşu ölkələrdə yayılmağa başlayan dabaq xəstəliyi (FMD) səbəbiylə 5 aprel 2025-ci il şənbə günündən etibarən 20 sərhəd keçid məntəqəsini müvəqqəti bağlayacaq.
Tədbirlər Aşağı Avstriya və Burgenland əyalətlərinin səhiyyə orqanları, Kənd Təsərrüfatı Palatası və Federal Kənd Təsərrüfatı və Meşə Təsərrüfatı Nazirliyi ilə sıx əməkdaşlıq şəraitində həyata keçirilib.
Məqsəd açıq qalan sərhəd qapılarında xüsusilə nəqliyyat vasitələri və yük maşınlarına qarşı nəzarət tədbirlərini artıraraq xəstəliyin yayılmasının qarşısını almaqdır.
Qeyd edək ki, dabaq xəstəliyi iribuynuzlu mal-qara, donuz və digər dırnaqlı heyvanları təsir edən yüksək yoluxucu virus infeksiyasıdır. Xəstəliyin tipik əlamətlərinə qızdırma, dırnaqlarda, dildə və boğazda qabarcıqlar və iltihablar daxildir.
Gülay
