Azərbaycanda bəzi avtobusların gediş haqqı ilə bağlı onlarda çaşqınlıq yaranıb. Məsələn, 55 qəpik olan marşrut üçün 60 qəpik, yaxud 80 qəpik olan avtobus üçün 60 qəpik ödəyirlər. Bu isə mobil tətbiqdən ödəniş zamanı sərnişinlərin balansında problemlər yaradır.
Azərbaycan Yerüstü Nəqliyyat Agentliyinin (AYNA) mətbuat katibi Tural Orucov AZXEBER.COM-a bildirib ki, marşrut avtobuslarında gediş haqqı tablolarının olması vacibdir:
"Daşıyıcılara istismarlarında olan marşrut avtobuslarında qiymət tabloların olmasının vacibliyi vurğulanıb. Tarif dəyişikliyi ilə bağlı qərardan sonra qiymət dəyişikliyi şamil edilən avtobuslarda isə yeni tabloların quraşdırılması ilə bağlı da tapşırıq verilib. Məsələ nəzarətə götürülüb”.
Şahanə Ziyad
