Vəkil Elçin Sadıqov bir neçə gün əvvəl Bakıdakı “Bulaq” restoranında baş vermiş silahlı insidentlə əlaqədar daxili işlər naziri Ramil Usubova müraciət edib.
Bu barədə vəkil özü məlumat verib. O, hadisə ilə əlaqədar axtarışa verilmiş Samir Allahyarovun atasınım qanunsuz olaraq 3 gündür ki, Baş Mütəşəkkil Cinayətkarlıqla Mübarizə İdarəsində (BMCMİ) saxlanılır: “Ailəsi bildirir ki, "Bulaq" restorarında baş verən hadisə ilə bağlı axtarışda olan oğlu Samir Allahyarova görə ağır şəkər xəstəsi olan Allahyarov Rafiq Rəhim oğlunu 3 gündür BMCMİ-də girov saxlayırlar. Ailəsindən azuqə də qəbul etmirlər. Deyirlər ki, oğlu gəlsin sonra buraxacağıq. Bu 3 gün ərzində dəfərlərlə Allahyarov Rafiq Rəhim oğlunun halı pisləşdiyindən BMCMİ-yə təcili tibbi yardım gəlib. Onun həyatı təhlükədədir. Vəkili olaraq məni də görüşə buraxmırlar. Buradan açıq şəkildə daxili işlər naziri Ramil Usubova müraciət edərək xahiş edirəm ki, Allahyarov Rafiq Rəhim oğlu ilə görüşməyimə icazə verilməsi və Allahyarov Rafiq Rəhim oğlunun qanunsuz həbsdən azad edilməsinə göstəriş versin”.
///AzNews.az
