"Uşaqlıqdan ekranda, teatrda gördüyümüz istedadlı aktyorlarımız gedəndə nəsə qırılır içimdə sanki. Bu xəbərdən də elə oldum".
AZXEBER.COM xəbər verir ki, bu sözləri Xalq artisti, bəstəkar Aygün Səmədzadə bu gün vəfat edən Xalq aristi Ramiz Məlik haqda deyib.
O, Ramiz Məliklə bağlı xatirələrini izləyiciləri ilə bölüşüb:
"Gözəl siması, xarizmatik görünüşü, səlist nitqi, səsi ilə qalacaq yadımda. Oynadığı tamaşaya musiqi də yazmışdım. "Yad qadının məktubu"nda məşqdə onu görəndə hətta fərəhlənmişdim ki, bir zamanlar tamaşalarına baxmağa gəldiyim aktyor, indi musiqisini yazdığım tamaşada oynayır. Təəssüf ki, ömür sürətlə keçir, aktyorların potensialından həm onların, həm də mədəni irsin xeyrinə vaxtında lazımi qədər istifadə olunmur. Bir də görürsən ki, adam yoxdur".
Aysel
