Türkiyə Təbiblər Birliyi məşhur menecer Ayşe Barımın səhhəti ilə bağlı açıqlama yayaraq, "qəfil ölüm riskinin" olduğunu bildirib.
AZXEBER.COM Türkiyə mətbuatına istinadən xəbər verir ki, vəkilinin tibbi qiymətləndirmə və rəy hesabatı tələbindən sonra Türkiyə Təbiblər Birliyinin Mərkəzi Şurası elmi komitənin yaradılmasına qərar verib.
Türkiyə Təbiblər Birliyinin açıqlamasında deyilir:
"Başakşehir Çam Sakura Şəhər Xəstəxanası tərəfindən 2 İyul 2025-ci ildə hazırlanan Emine Ayşe Barımla bağlı son tibbi komitə hesabatında ona "Hipertrofik Obstruktiv Kardiyomiyopatiya" diaqnozu qoyulduğu və qəfil ölüm riski-defibrilator şoku səbəbiylə ICD (İmplantasiya Edilə bilən Kardioverter Cihazı) implantasiyasının tövsiyə edildiyi bildirilir. Emine Ayşe Barımın ciddi serebrovaskulyar xəstəlik və huşunu itirmə epizodları olduğu da bildirilib. Hesab edirik ki, xəstənin səhhətində başqa problem olmasa belə, ani ölüm riski yaradan ürək xəstəliyi səbəbindən tez bir zamanda evə buraxılmalıdır".
Aysel
