Dövlət bankı Azər Türk Bankın Prosessinq Mərkəzində ödəniş kartları sahəsində tətbiq olunan "Payment Card Industry Data Security Standards” (PCI DSS) təhlükəsizlik standartlarının tələblərinin yerinə yetirilməsi ilə əlaqədar beynəlxalq şirkət tərəfindən həyata keçirilən audit bitmişdir.
AZXEBER.COM xəbər verir ki, əldə olunan nəticələrə görə Azər Türk Bank ödəniş kartları sahəsində məlumatların təhlükəsizliyi PCI DSS 4.0.1 standartına tam uyğunluq sertifikatına layiq görülmüşdür.
Bu sertifikat Bankın informasiya təhlükəsizliyi sahəsində yüksək beynəlxalq standartlara cavab verdiyini və ödəniş kartları, onlarla aparılan əməliyyatlar üzrə məlumatların dünya meyarlarına uyğun səviyyədə qorunduğunu bir daha təsdiq edir.
