Azərbaycan ərazisini qanunsuz keçdikdən sonra Ermənistana qaytarılan Sünik (Zəngəzur) vilayətinin Tex (Dığ) icmasından olan yeniyetmələrin səhhəti yaxşıdır.
Bu barədə məlumatı Tex (Dığ) icma rəhbərliyi yayıb.
Qeyd edək ki, Ermənistan MTX Azərbaycanla sərhəd bölgəsində iki nəfər itkin düşdüyü barədə bu gün səhər məlumat yaymışdı.
Məlumatda bildirilirdi ki, Sünik (Zəngəzur) vilayətinin Tex (Dığ) kəndinin sakinləri Karen Cangiryan (2007) və Andrey Qyaquns (2008) 6 iyun saat 01.20 radələrində Aravus kəndi ərazisində azıblar.
Ermənistan MTX ehtimal edirdi ki, onlar azaraq Azərbaycan ərazisinə keçib.
Azərbaycan tərəfindən hadisə ilə bağlı hələlik açıqlama verilməyib.
