Azərbaycan Gənclər Fondu Azərbaycan Tələbə Gənclər Təşkilatları İttifaqında (ATGTİ) təqdim olunub. Fondun mətbuat xidmətinin rəhbəri Aynur Həsənzadənin AZXEBER.COM-a verdiyi məlumata görə, təqdimat ali və orta ixtisas təhsil müəssisələrinin tələbə-gənclər təşkilatlarının sədrləri üçün keçirilib. Təqdimatda fondun Layihələr və regionlarla iş sektorunun müdiri Vaqif Seyidbəyov fondun məqsədi, fəaliyyət istiqaməti və strukturu haqda geniş məlumat verərək layihələrin maliyyələşdirilməsi proseduruna aydınlıq gətirib.
