Bu sözləri AZXEBER.COM-a açıqlamasında Ağ Partiya başqanı Tural Abbaslı deyib.
O, qeyd edib ki, sosial platformanın adının nə olması önəmli deyil, əsas insanların onun xidmətlərindən istifadə etməsidir:
"Dünyada sosial mediadan siyasi məqsədlər üçün istifadə etmək geniş yayılıb. Partiyalar, siyasi xadimlər, hətta dövlət strukturları bir çox sosial media platformalarından öz fikirlərini, məlumatlarını yaymaq üçün, təbliğ etmək üçün istifadə edir. Bu, artıq dünyada qəbul olunmuş bir qaydadır. Ən azından Trampın hələ də "Twitter”, "Facebook”, "Intagram” hesablarından apardığı mübarizəyə baxmaq olar. Burada əslində sosial platformanın adı önəmli deyil. Burada önəmli deyil ki, "TikTok”dur, "Facebook”dur, "Intagram”dır və ya başqa bir sosial mediadır, əsas odur ki, insanlar o sosial medianın xidmətindən istifadə edirmi? Bu gün Azərbaycanda ən popular sosial media platformalarından biri də təbii ki, "TikTok”dur. Azərbaycan gəncliyinin böyük əksəriyyətinin bu platformada hesabları var. Baxırlar, izləyirlər. Hansısa kontentdə çəkilişlər edirlər.
O deyib ki, Ağ Partiya gənclərin toplaşdığı "Tiktok"dan aktiv istifadə edir:
Tural Abbaslı qeyd edib ki, "TikTok”da necə insanların olması o platformanı boş qoymağa əsas verimir:
"Düzdür, elələri də var ki, "TikTok”dan pul yığmaq üçün istifadə edir, kimlərsə çox uğurlu olmayan videoroliklər paylaşır. Amma bu, ona əsas vermir ki, bu boyda platformanı boş buraxaq, oradan istifadə etməyək ki, kimlərsə bunu qeyri-ciddi sayır və ya kimlərsə buradan pul qazanmaq üçün istifadə edir. Biz də Ağ Partiya olaraq bu platformadan sırf öz partiyamızın fikirlərini təbliğ etmək üçün istifadə edirik, eynilə digər platformalardan olduğu kimi”.
Aydın Nuri
