Stokholm Beynəlxalq Sülh Araşdırmaları İnsitutu (SIPRI) dünya ölkələrinin hərbi xərcləri baradə hesabat dərc edib. Qaynar.info xəbər verir ki, hesabatda 2015-ci ildə dünya ölkələrinin hərbi sahəyə 1 trilyon 471 milyon dollar xərclədiyi qeyd edilib. Bu 2014-cü illə müqayisədə 1 faiz artım deməkdir.
ABŞ 596 milyard dollarla siyahıda birinci olub. Bu bütün dünyadakı hərbi xərclərin təxminən 25 faizidir. İkinci yeri 215 milyard dollarla Çin tutub. İlk "üçlüy"ü Səudiyyə Ərəbistanı qapayır - 87,2 milyard dollar.
Ən çox artım Şərqi Avropa və Yaxın Şərq ölkələində müşahidə edilib. Şimali Amerika və Qərbi Avropada cüzü azalma olub.
Hesabatda bildirilir ki, Azərbaycan, Əlcəzair, Rusiya, Səudiyyə Ərəbistanı və Vyetnam kimi neft ölkələri hərbi xərclərini artırıb. Azərbaycan ötən il hərbi sahəyə 3 milyard 21 milyon dollar xərcləyib.
