'Azərbaycan maksimum avrointeqrasiyaya səy göstərir' - İlham Əliyev

Azərbaycanda Avropa İttifaqı (Aİ) ilə münasibətlərin inkişafına yanaşma birmənalıdır və bu, maksimum avrointeqrasiyaya köklənməkdən ibarətdir.AZXEBER.COM-un məlumatına görə, bunu Azərbaycan Prezidenti İlham Əliyev Brüsseldə Avropa İttifaqı Şurasının rəhbəri Herman Van Rompeylə görüşdən sonra bildirib.“Biz Avropaya nə qədər yaxın olsaq, inkişaf, eləcə də demokratik inkişaf məsələlərində bizim üçün bir o qədər böyük imkanlar açılar”, - deyə Azərbaycan prezidenti söyləyib.İlham Əliyevin sözlərinə görə, Avropa İttifaqının rəhbəri ilə keçirilən bugünkü görüş Azərbaycan və Aİ arasında münasibətlərin inkişafında mühüm addım olub.Görüşdə regional təhlükəsizlik və sabitlik, həmçinin münaqişələrin nizamlanması kimi mühüm məsələlər də daxil olmaqla bir sıra vacib məsələlər müzakirə olunub.Dağlıq Qarabağ münaqişəsinin nizamlanmasıİlham Əliyev Ermənistanla Dağlıq Qarabağ münaqişəsinin həlli ilə bağlı bildirib ki, ATƏT-in Minsk qrupunun həmsədr ölkələri prezidentlərinin ötən həftə “Böyük səkkizlik” çərçivəsində səsləndirdikləri son bəyanatı yüksək qiymətləndirir.“Dağlıq Qarabağ nizamlanmasının onların gündəliyinin əsas məsələlərindən biri olaraq qalması, həmçinin G8 görüşü kimi böyük forumun yaratdığı imkandan münaqişə ilə bağlı münasibət və narahatçılıq ifadə etmək üçün istifadə etdiklərinə görə biz onlara təşəkkürümüzü bildiririk”, - deyə o əlavə edib.İlham Əliyev üç ölkə prezidentinin bu münaqişənin həllinin tapılması üçün bütün lazımi addımların atılmasına dair şərhlərini dəstəklədiyini bildirib.Onun sözlərinə görə, Helsinki yekun aktının xatırladılması olduqca vacibdir, çünki o, münaqişənin həlli zamanı əsas götürülməli olan prinsipləri dəqiq müəyyən edir.O, xalqların öz müqəddaratlarını təyin etmə prinsipinin ölkənin ərazi bütövlüyünə zidd getməməli olduğundan bəhs edir.“Ermənilərə gəldikdə isə, onlar öz gələcəklərini artıq müəyyən ediblər: onların Ermənistan Respublikası dövlətləri var. Azərbaycan əraziləri hesabına ikinci dəfə dövlət yaratmaq yolu ilə erməni millətinin öz müqəddaratını təyin etməsi qəbuledilməzdir”, - deyə İlham Əliyev bildirib.O qeyd edib ki, Azərbaycan münaqişənin beynəlxalq hüquq norma və prinsiplərinə və BMT-nin Ermənistan qoşunlarının Azərbaycanın beynəlxalq səviyyədə tanınan ərazilərini dərhal və qeyd-şərtsizçıxarılmasını tələb edən 4 qətnaməsinin reallaşdırılmasına əsaslanan maksimum tez bir zamana həllində maraqlıdır.Enerji əməkdaşlığıAzərbaycan və Avropa İttifaqı arasında enerji əməkdaşlığı iki tərəf nümayəndələrinin bugünkü görüşünün müzakirə mövzularından biri olub.İlham Əliyev bu konteksdə qeyd edib ki, Azərbaycan bu gün Aİ tərəfindən enerji sahəsində mühüm tərəfdaş kimi qəbul edilir.“Bizim bu sahədə son görüşümüzdən bu yana əhəmiyyətli irəliləyişlər olub. TANAP layihəsi üzrə sazişin imzalanması “Cənub qaz dəhlizi”nin uğurla reallaşdırılması üçün əlavə imkanlar yaradır. Prezident həmçinin qeyd edib ki, Xəzər qazının Avropaya nəql marşrutu seçimi üzrə tezliklə qəbul olunacaq qərarlar Avropanın enerji xəritəsini əsaslı şəkildə dəyişəcək, bu mühüm energetika layihəsinin reallaşdırılması üçün əla şərait yaradacaq”.“Bu qarşılıqlı faydalı bir vəziyyətdir: Azərbaycan Aİ-nin simasında uzunmüddətli, proqnozlaşdırıla biləcək qaz satışı bazarı, Avropa isə Azərbaycanın simasında bir çox illər davam edəcək alternativ, etibarlı qaz mənbəsi əldə etmiş olacaq”, - deyə İlham Əliyev qeyd edib.