Futzal üzrə Azərbaycan milli komandası yoldaşlıq oyunu keçirib. Apasport.az saytının məlumatına görə, Joze Alessionun yetirmələri Portuqaliya yığması ilə qarşılaşıb.
Pireney yarımadasının qonağı olan komandamız güclü rəqiblə oyundan heç-heçə ilə ayrılıb – 1:1. Qarşılaşmada hesabı millimiz açıb. Amadeunun qolu ilə hesabda önə keçən komandamız Marinyonun cavab qolunu əngəlləyə bilməyib.Qeyd edək ki, Azərbaycan və Portuqaliya milli komandaları bu gün yenidən üz-üzə gələcək.
