Payız sessiyasının ilk plenar iclası isə sentyabrın 30-da keçiriləcək
Azərbaycan Milli Məclisi payız sessiyası öz işinə sentyabrın 15-də başlayacaq.
Milli Məclisin mətbuat xidmətinin rəhbəri Akif TəvəkküloğluAPA-ya açıqlamasında bildirib ki, parlamentin işinə komitələrin iclası ilə start veriləcək.
Sentyabrın 30-da isə Milli Məclisin payız sessiyasının ilk plenar iclası olacaq.
A. Təvəkküloğlu onu da qeyd edib ki, parlamentin payız sessiyasında fəaliyyətini işıqlandırmaq üçün akkreditə olmaq istəyən KİV sentyabrın 15-dək akkreditasiya məktublarını Milli Məclisə təqdim etməlidir.
