Çempionlar Liqasında qrup mərhələsinin V turuna yekun vurulub.
Dünən keçirilən 8 oyun UEFA reytinqində mövqe dəyişikliyinə səbəb olmayıb.
Azərbaycan da öz əvvəlki yerində qalıb. Təmsilçimiz "Qarabağ”ın "Çelsi”yə uduzması hesabımıza xal əlavə edilməsinə imkan verməyib. 19.125 xalı olan ölkəmiz 22-ci pillədə qərarlaşıb.
Azərbaycandan 1 pillə irəlidə olan Rumıniyanın 20.050 xalı var. Ən yaxın izləyicimiz Bolqarıstan isə 18.875 xala sahibdir.
