Son sutka ərzində Azərbaycanda baş vermiş yol qəzalarında 7 nəfər ölüb.
Dünən Bakının Nizami rayonunda "QazEl" markalı yük maşını ahıl kişini vurub öldürüb. Gecə saatlarında isə Qaradağda "VAZ" markalı minik avtomobilinin "KamAZ"a çırpılması 2 nəfərin ölümünə səbəb olub.
Daha bir ağır qəza Bərdə şəhərinin Koroğlu küçəsində qeydə alınıb. "VAZ" markalı minik avtomobilinin ağaca çırpılması 2 gəncin ölümü ilə nəticələnib.
Bundan başqa, İsmayıllı rayonunun Qalacıq kəndində "Niva"nın aşması, Sabirabadda isə minik avtomobilinin kanala düşməsi də insan itkisi ilə nəticələnib.
Hər bir faktla bağlı araşdırma aparılır.
///Lent.az
