Bəs artmaqda davam edən abortların hansı fəsadları var? Belə halların azalması üçün nə etmək lazımdır? 

Mövzu ilə bağlı AZXEBER.COM-a danışan ginekoloq Rəşad Sultan bunları bildirib:

"Abort ailə planlamasıdır. İnsanların iki-üç uşaqları varsa, daha çox uşaq düşünməməyə başlayırlar. Nikahdan kənar hamiləlik, digər sosial səbəblərdən qadınları övlad sahibi olmaqdan çəkindirir. Burda toxunmağımız lazım olan tibbi və etik tərəflər var. Etik tərəfi ondan ibarətdir ki, bir həyata son qoyulur. Tibbi tərəfləri, fəsadları isə daha çoxdur. Abort cərrahi müdaxilədir. Hər müdaxlə kimi sağlamlığa ziyanları var. Qanaxma, infeksiya riski, digər orqanların zədələnməsi təhlükəsi var. Gələcəkdə övlad sahibi ola bilməməyə gətirib çıxara bilən hallar var. Ona görə də abort,  biz həkimlərin, dünya tibbinin sevmədiyi müdaxilədir. Qadının hamiləliyi sonlandırmaqdansa, hamilə qalmaması arzuolunandır. Hakimləlikdən qorunmaq üçün mexanik və hormonal vasitələri var”.

Rəşad Sultan vurğulayır ki, həkimlərin işi ondan ibarətdir ki,  hər yerdə bu qorunma vasitələrini təbliğ etsin:

"Abortun ziyanlarından  danışmaq lazımdır. İnsanlarda sual yarana bilər ki, əgər abort yaxşı şey deyilsə, niyə görə dövlətlərin hamısında qadağan deyil. Qadağan edilsə, bu qanundan kənar müəssələrdə olacaq. Dövlətin nəzarətindən tamamən çıxacaq. Ona görə qadağan  edilmir ki,  heç olmasa, dövlət nəzarətində olsun. Eyni zamanda abort qadağan edilsin, deyənlər bir qadının sosial, mənəvi, maddi problemlərini həll etdikdən sonra bunu deməyə haqqı çatır. Dövlət və cəmiyyət bu problemləri qarşılayacaqsa, hamiləliyi sonlandır deməyə haqqı var. Həmçinin düşünürəm ki, gənclərin cinsi mövzularda maarifləndirilməsinə də ehtiyac var”, - deyə ginekoloq qeyd edib.