13 yaşadək futbolçular arasında keçirilən Azərbaycan çempionatının “Neftçi” – “Rəvan” matçı zamanı qalmaqal baş verib.
Lent.az-ın məlumatına görə, “Rəvan”ın Akif Qasımov adlı azarkeşi meydanın ətrafındakı hasarı sındıraraq içəri daxil olub.
O, hakimi təhqir edib və fiziki təsir göstərməyə cəhd edib. AFFA İntizam Komitəsi A.Qasımovun “Rəvan”ın iştirakı ilə keçiriləcək növbəti matçlarda bir il müddətinə stadiona girişinə qadağa qoyub.
Klub isə dəymiş zərərə uyğun olaraq stadion rəhbərliyinin təqdim edəcəyi hesab əsasında ödəməyə və 1000 manat cəriməyə məruz qalıb.
