Bu il noyabrın 1-də keçiriləcək Milli Məclisə seçkilərdə deputatlığa namizədliyi qeydə alınanların seçkiqabağı təşviqatının aparılmasına başlanılıb.
AZXEBER.COM-un xəbərinə görə, təşviqatı qeydə alınmış namizədlər, onların səlahiyyətli nümayəndələri və vəkil edilmiş şəxsləri, namizədi qeydə alınmış siyasi partiyalar, siyasi patiyaların blokları, onların səlahiyyətli nümayəndələri və vəkil edilmiş şəxsləriapara bilərlər.
V çağırış Azərbaycan Milli Məclisinə seçkilərin hazırlanıb keçirilməsi üzrə əsas hərəkət və tədbirlərin Təqvim Planına əsasən, seçkiqabağı təşviqat səsvermə gününə 23 gün qalmış- 9 oktyabrda başlanır və səsvermənin başlanmasına 24 saat qalmış- 31 oktyabr saat 08:00-da dayandırılır.
Qeyd edək ki, indiyədək 1200 nəfərin deputatlığa namizədliyi qeydə alınıb. Hakim Yeni Azərbaycan Partiyasının (YAP) 116 namizədin hamısı, "Azadlıq-2015" seçki blokundan 15 nəfərin, təşəbbüs qruplarından 2 nəfərin, öz təşəbbüsü ilənamizədliyini irəli sürənlərdən isə 910 nəfərin deputatlığa namizədliyi qeydə alınıb.
Yeni Azərbaycan Partiyasının gənc fəallarından ibarət yaradılmış təbliğat-təşviqat komandası kampaniyaya başlandığı andan - gecə saat 24.00-dan etibarən aidiyyatı dairə seçki komissiyalarının ərazilərinə səfərbər olunublar. Onlar yüksək fəallıq göstərərək YAP namizədlərinin plakatlarını məntəqə seçki komissiyalarının ərazisindəki təbliğat-təşviqat lövhələrində yapışdırıblar.
