Azərbaycanda şəhər və kənd yaşayış məntəqələrində olan sabit şəbəkə telefonlarının ümumi sayı 2025-ci ildə 834 min 146 təşkil edib.
AZXEBER.COM-un Dövlət Statistika Komitəsindən əldə etdiyi məlumata görə, 2021-ci ildə ölkədə 1 milyon 377 min 164 sabit telefon xətti olub. Beləliklə, beş il ərzində onların sayı 543 min 18 və ya 39,4 faiz azalıb.
2025-ci ildə sabit telefon xətlərinin 645 min 514-ü şəhər, 188 min 632-si isə kənd yaşayış məntəqələrinin payına düşüb. 2021-ci illə müqayisədə şəhərlərdə sabit telefonların sayı 417 min 108, kəndlərdə isə 125 min 910 azalıb.
Bakı şəhərində mənzillərdə olan sabit telefon xətlərinin sayı 2021-ci ildəki 615 min 228-dən 2025-ci ildə 474 min 69-a enib.
İqtisadi rayonlar üzrə şəhər və kənd yaşayış məntəqələrinin ümumi göstəriciləri nəzərə alındıqda, 2025-ci ildə Bakıdan sonra ən çox sabit telefon xətti Şəki-Zaqatala iqtisadi rayonunda qeydə alınıb. Burada 68 min 166 sabit telefon xətti olub. Naxçıvan iqtisadi rayonunda göstərici 63 min 170, Abşeron-Xızıda 48 min 757, Quba-Xaçmazda 41 min 666, Gəncə-Daşkəsəndə 35 min 380 təşkil edib.
Ən aşağı göstərici Şərqi Zəngəzur iqtisadi rayonunda qeydə alınıb. 2025-ci ildə burada yalnız şəhər yaşayış məntəqələri üzrə 117 sabit telefon xətti göstərilib. Kənd yaşayış məntəqələri üzrə isə göstərici qeyd alınmayıb.
