ANS-in Qızıl Fondundan bu dəfə Azərbaycanda körpü partlatmaq istəyən Ermənistanın rus əsilli muzdlu əsgərlərinin etiraflarını təqdim edib.
Bakıda 1992-ci ildə operator Vahid Mustafayev rus əsilli zabitin müsahibəsini lentə alıb. Müsahibə zamanı zabit deyir ki, o pul qazanmaq üçün Dağlıq Qarabağda Ermənistan ordusunda döyüşür.
Rus əailli zabit Dağlıq Qarabağa - Xankəndinə necə gətirildiyi barədə də danışıb. O etiraf edib ki, Dağlıq Qarabağda rus əsilli muzdlu əsgərlər döyüşür.
Müsahibə zamanı zabit Azərbaycanda körpüyə minanı necə düzdüyünü və partlatmaq istədiyini boynuna alıb. O etiraf edib ki, partlayıcı maddənin çəkisi 100 kiloqram olub.
