Sentyabrın 22-dən oktyabrın 13-dək Azərbaycanda keçirilən 17 yaşadək qızlar arasında dünya çempionatında fırıldaq olub. Bolqarıstan mətbuatının yaydığı məlumata görə Qana yığmasının aparıcı futbolçularından olan Vida Opoku əslində qız yox, oğlan imiş. Belə ki, “Levski” klubunun üzvü olan futbolçu ölkəmizdəki yarışa Aqyemanq Opoku adı ilə gəlib. Bolqarlar iddia edir ki, mundialdan öncə bir anda “Levski Sofiya” klubunun düşərgəsindən yoxa çıxan 23 yaşlı futbolçu bu müddətdə həm cinsini, həm də yaşını dəyişdirib, ölkəsinin qızlar yığmasına kömək etməyə qərar verib. Qeyd edək ki, Afrika ölkələrində belə hallar tez-tez baş verir. Hazırda iddianın doğru olub-olmaması araşdırılır.