Ermənistanın Milli Təhlükəsizlik Xidməti vaxtilə könüllü şəkildə Azərbaycana təslim olmuş, sonra isə Ermənistana qayıtmış Gevorkyanlar ailəsinə qarşı cinayət işi qaldırıb. Musavat.com erməni KİV-ə istinadən xəbər verir ki, cinayət işi CM-nin 329-ci maddəsinin 1-ci hissəsi üzrə (müvafiq sənədlər və icazə olmadan Ermənistan sərhədini keçmək) qaldırılıb.
Bu maddə maksimum 3 ilədək azadlıqdan məhrumetmə cəzası nəzərdə tutur. İş üzrə Yeqişe və Ruzanna Gevorkyanlar müttəhim qismində keçirlər.
Xatırladaq ki, Gevorkyanlar 2010-cu ildə 3 uşaqla Azərbaycan tərəfinə təslim olublar. Ailənin başçısı o vaxt Ermənistanda cinayət işi üzrə təhqiqata cəlb edilmişdi. 2014-cü ilin dekabrında ailə Qırmızı Xaçın vasitəçiliyi ilə vətəninə qayıdıb.
Musavat.com
