Azərbaycanın bu 'qız'ını bütün dünya tanıyacaq - FOTOLAR
İDMAN
13:45 14.04.2012
3522
XI Azərbaycan Beynəlxalq Turizm və Səyahətlər Sərgisində FIFA U-17 Qadınlararası Dünya Çempioantı Azərbaycan 2012-nin təbliğatı davam edir. AZXEBER.COM-un AFFA-ya istinadən verdiyi məlumata görə, bu gün sərgidə dünya çempionatının rəsmi maskotunun adı elan olunub.DÇ-nin maskotu “Top-top qız” adlandırılıb. Adın müəllifi olan Bəhram Bağırzadəyə maskot çempionatın Yerli Təşkilat Komitəsi tərəfindən hazırlanmış hədiyyə təqdim edib. FIFA U-17 qadınlararası dünya çempionatı Azərbaycan 2012-nin Yerli Təşkilat Komitəsinin üzvləri də tədbirdə iştirak edib. Sərginin ziyarətçiləri dünya çempionatının hazırlıq işləri ilə tanış olub və müxtəlif suallara cavab alıblar.Çempionatın stendi qarşısında müxtəlif əyləncə xarakterli oyunlar quraşdırılıb. Maraqlı və interaktiv oyunlar əsasında iştirakçı və azarkeşlər dünya çempionatından və yerli dəstəkçilərdən müxtəlif hədiyyələr əldə ediblər.
