Azərbaycanın iki şəhərinin avtobus marşrutları "Google Maps"də görünəcək
SOSİAL
23:36 11.03.2026
971
AZXEBER.COM BAKU.WS-ə istinadən xəbər verir ki, bu təkcə yeni, sürətli, komfortlu və təhlükəsiz avtobusların istifadəyə verilməsi ilə məhdudlaşmır.
Eyni zamanda marşrutların hansı istiqamətlər üzrə hərəkət etməsi, səfərlərin uzlaşdırılması, avtobusların gəlmə vaxtı və digər məlumatların sərnişinlər üçün əlçatan olması da böyük əhəmiyyət daşıyır.
Nəqliyyat eksperti Rauf Ağamirzəyev bildirib ki, bu baxımdan məlumatların həm mobil tətbiqlərdə, həm də dünyada geniş istifadə olunan xəritə platformalarına inteqrasiyası vacibdir:
"Belə olduqda vətəndaşların seçim imkanları genişlənir. Onlar istər mobil tətbiqlər, istərsə də "Google Maps" kimi platformalar vasitəsilə səfərlərini əvvəlcədən planlaşdıra, hansı marşrutun daha rahat olduğunu, nə qədər müddətə təyinat nöqtəsinə çatacağını və nəqliyyatın neçə dəqiqədən sonra gələcəyini asanlıqla öyrənə bilirlər.
Azərbaycan Yerüstü Nəqliyyat Agentliyi "AYNA MaaS" tətbiqindəki məlumatları "Google Maps"ə inteqrasiya edib. Sevindirici haldır ki, bu, təkcə Bakı ilə məhdudlaşmır.
Gəncənin yenilənmiş avtobus marşrutları barədə məlumatı da "Google Maps"dənn əldə etmək mümkündür. Ümid edilir ki, növbəti mərhələlərdə Naxçıvan və digər şəhərlərdə də yenilənən avtobus parkları ilə yanaşı, bu cür rəqəmsal məlumatların inteqrasiyası daha da genişləndiriləcək.
Belə addımlar vətəndaşların səfərlərini əvvəlcədən planlaşdırmasına, şəhər daxilində daha rahat istiqamətlənməsinə və ictimai nəqliyyatdan daha səmərəli istifadə etməsinə mühüm töhfə verir", - deyə ekspert bildirib.
OXŞAR XƏBƏRLƏR
